கொடநாடு காவலாளி கொலை வழக்கு – முக்கிய குற்றவாளி கைது

Comments (0) அரசியல், தமிழ்நாடு

Spread the love
  •  
  •  
  •  
  •  
  •  
  •  
  •  
  •  
  •  
  •  
  •  

கொடநாடு காவலாளி கொலை வழக்கில் தொடர்புடைய முக்கிய குற்றவாளியான சயான் இன்று போலீசாரால் கைது செய்யப்பட்டுள்ளார்.
நீலகிரி மாவட்டத்திலுள்ள மறைந்த ஜெயலலிதாவிற்கு சொந்தமான கொடநாடு எஸ்டேட்டில் காவலாளியாக பணியாற்றி வந்த ஓம் பகதூர் கடந்த ஏப்ரல் 24ம் தேதி மர்ம நபர்களால் கொல்லப்பட்டார். மேலும், எஸ்டேட்டில் இருந்த பல பொருட்களும் கொள்ளையடிக்கப்பட்டன. இச்சம்பவம் தொடர்பாக சோலூர் மட்டம் காவல் நிலையத்தில் வழக்கு பதிவு செய்யப்பட்டு, இதில் தொடர்புடைய 11 பேரை போலீசார் தேடி வந்தனர்.இந்நிலையில், இந்த வழக்கில் முக்கிய குற்றவாளியாக தேடப்பட்டு வந்த கனகராஜ் கடந்த ஏப்ரல் 28ம் தேதி சாலை விபத்தில் உயிரிழந்ததாக கூறப்படுகிறது. இதனைத் தொடர்ந்து அவரது நண்பரும், 2வது குற்றவாளியுமான சயான் ஏப்ரல் 29ம் தேதி கார் விபத்தில் படுகாயமடைந்தார். இதன் காரணமாக கோவை அரசு மருத்துவனையில் சிகிச்சை பெற்று வந்தார். இந்நிலையில், அவர் குணமடைந்து வீடு திரும்பிய நிலையில், அவரை போலீசார் கைது செய்தனர். மேலும், அவரை கோத்தகிரி அழைத்துச் சென்று தனிப்படை போலீஸ் விசாரணை மேற்கொள்ள இருக்கிறது என்பது குறிப்பிடத்தக்கது.

Leave a Reply

Your email address will not be published. Required fields are marked *