தீவிரவாதத்திற்கு ஆதரவாக செயல்படுகிறதா கத்தார்?

Comments (0) உலகம்

Spread the love
  •  
  •  
  •  
  •  
  •  
  •  
  •  
  •  
  •  
  •  
  •  

தீவிரவாதத்திற்கு ஆதரவாக செயல்படும் கத்தாருக்கு அனுமதி மறுக்கப்பட்டுள்ளது.

தீவிரவாதத்திற்கு ஆதரவாக செயல்படுவதாகக் கூறி சவுதி அரேபியா, ஐக்கிய அரேபிய நாடுகள், எகிப்து, மற்றும் பஹ்ரைன் உள்பட 7 நாடுகள் கத்தார் உடனான அனைத்து தொலை தொடர்புகளையும் துண்டிப்பதாக அறிவித்துள்ளன. இதனைத் தொடர்ந்து இந்த நாடுகளின் அனைத்து உறவுகளிலிருந்தும் நீங்குமாறு கத்தாருக்கு அறிவுறுத்தப்பட்டுள்ளது. மேலும், கத்தார் நாட்டின் விமானங்கள், கப்பல்கள் அனைத்தும் இன்னும் 2 வார காலத்திற்குள் வெளியேற வேண்டும் என்று பஹ்ரைன் உத்தரவிட்டுள்ளது.தீவிரவாதத்திலிருந்து தங்களது நாட்டை பாதுகாத்துக் கொள்ள கத்தார் வழியான எல்லைகளையும் மூடிவிட்டதாக சவுதி அரேபியா அறிவித்துள்ளது. மேலும், கத்தார் நாட்டின் எந்தவொரு கப்பலோ, விமானமோ இனிமேல் சவுதி அரேபியா, ஐக்கிய அரேபிய நாடுகள், எகிப்து, மற்றும் பஹ்ரைன் உள்பட 7 நாடுகளுக்கு வர அனுமதி மறுக்கப்பட்டுள்ளது.தீவிரவாதத்திற்கு எதிரான அனைத்து நடவடிக்கைகளையும், சவுதி அரேபியாவின் தலைமையில் இணைந்துள்ள அரேபிய நாடுகள் மேற்கொண்டு வரும் நிலையில், கத்தார் ஐஎஸ்ஐஎஸ், அல்கொய்தா போன்ற அமைப்புகளுக்கு உதவி வருவதாகக் குற்றம் சாட்டப்பட்டுள்ளது. இச்சம்பவம் உலகம் முழுவதும் பெரும் அதிர்ச்சியை ஏற்படுத்தியுள்ளது.
இந்நிலையில் கத்தாரில் பணியாற்றி ஏழு லட்சம் இந்தியர்கள் இதனால் பாதிக்கும் சூழல் ஏற்பட்டுள்ளது. குறிப்பாக, அங்கு பணி புரியும் இந்தியர்களில் பெரும்பாலானோர் கேரள மாநிலத்தைச் சேர்ந்தவர்கள். இதையடுத்து, அங்கு பணி புரியும் கேரள மாநிலத்தைச் சேர்ந்தவர்களின் பாதுகாப்பை உறுதி செய்ய வேண்டும் என்று அம்மாநில முதல்வர் பினராயி விஜயன், பிரதமர் மோடிக்கு கடிதம் எழுதியுள்ளார் என்பது குறிப்பிடத்தக்கது

Leave a Reply

Your email address will not be published. Required fields are marked *