மாநில கோரிக்கையை குடியரசுத் தலைவரிடம் அளிக்காத மத்திய அரசு

Comments (0) அரசியல், செய்திகள், தமிழ்நாடு, மருத்துவம்

Spread the love
  •  
  •  
  •  
  •  
  •  
  •  
  •  
  •  
  •  
  •  
  •  

நீட் தேர்வு விவகாரத்தில் மாநில கோரிக்கையை குடியரசுத் தலைவரிடம் மத்திய அரசு அளிக்கவில்லை என்று சட்டப்பேரவையில் தெரிவிக்கப்பட்டுள்ளது.தமிழக சட்டப்பேரவை கூட்டத் தொடர் 2வது நாளாக இன்று கூடியது. அதில் நீட் தேர்வில் அரசின் கொள்கை என்ன என்று பேரவையில் தங்கம் தென்னரசு கேள்வி எழுப்பினார். அதற்கு பதலளித்து பேசிய சுகாதாரத் துறை அமைச்சர் விஜய பாஸ்கர், நீட் தேர்வு விவகாரத்தில் தமிழக அரசின் கோரிக்கையை குடியரசுத் தலைவரிடம் மத்திய அரசு அளிக்கவில்லை என்று குறிப்பிட்டார். நீட் தேர்வு விவகாரம் தொடர்பாக தமிழக சட்டமன்றத்தில் தீர்மானம் நிறைவேற்றப்பட்டு, அது மத்திய அரசுக்கு அனுப்பி வைக்கப்பட்டது குறிப்பிடத்தக்கது.தொடர்ந்து பேசிய விஜயபாஸ்கர், ஜெயலலிதாவின் கொள்கையில் எந்த மாற்றமும் இல்லை என்றும், கிராமப்புற மாணவர்களை பாதுகாக்க உள் ஒதுக்கீடு கொண்டுவருவது தொடர்பாக சட்ட வல்லுநர்களிடம் ஆலோசித்து வருவதாகவும் தெரிவித்துள்ளார். நீட் தேர்வை ரத்து செய்யக் கோரி மத்திய அரசை தொடர்ந்து வலியுறுத்தி வருவதாகவும் கூறினார். இதையடுத்து திமுக ஆட்சிக்காலத்தில் ஏன் நீட் தேர்வை தடுக்க நடவடிக்கை எடுக்கவில்லை என்று கேள்வி எழுப்பினார். அதனால் அதிமுக – திமுக இடையே காரசார விவாதம் நடைபெற்றது.
vijay-bhaskar-10-1491803267

Leave a Reply

Your email address will not be published. Required fields are marked *